ШҰҒЫЛ! Bir ayda 31 ört oqïğası tirkeldi Толығырақ

Qızdar arasında fwtboldan festïval' ötti

16:45, 14 qırkuyek 2017

Aqtöbede alğaş ret fwtboldan qızdarğa arnalğan FÏFA festïvali ötti. Şaranı Qazaqstan fwtbol federacïyası uyımdastırdı. Festïval'ge 9 jastan 15 jasqa deyingi 250 qız qatıstı.

Fwtbol festïvalin saltanattı türde aşıp bergen sport salası ökilderi, şaranıñ qızdar fwtbolın damıtwdağı, salawattı ömir saltın ustanwdağı mañızdılığın atap ötti.  Sodan soñ, qatıswşılar 9 topqa bölinip, deneni şïratw jattığwların jasadı.

Äri qaray qızdar ärtürli oyındar oynap, éstafetada özara mıqtını anıqtadı. Är kezeñde fwtbol nışandarı eskerildi. Al olarğa oblıs quramasınıñ müşeleri tälimger boldı. Qalanıñ eski böligindegi 12 mekteptiñ 250 oqwşısın jïnağan festïval'diñ bastı maqsatı - qız balalardı fwtbolğa bawlw, qızığwşılığın arttırw.

Şara soñında, qatıswşılarğa arnayı dïplomdar men sıylıqtar tabıstaldı. Qızdarğa arnalğan «FIFA» festïvali öñirdiñ 12 awdanında da ötkiziledi. Qazan ayına deyin jalğasatın sporttıq şara  elimizdiñ 6 aymağında uyımdastırılmaq. Aqtöbeden keyingi éstafetanı Oral qalası qabıldaydı.

Qazirgi kezde erlermen qosa qızdar da fwtbolğa şındap bet burıp jatır. Oblısta buğan asa mañız berilip, komandalar jasaqtalwda. Aqtöbelik sport maytalmandarı, bügingi küni Qazaqstan quramasında öner körsetip jürgen 8 fwtbolşı qızdı maqtan etedi. Aqtöbe oblısı quramasınıñ da Joğarı lïgadağı jaqsı nätïjeleri qızdar fwtbolın damıtwğa sep bolıp otır.

Gülbağda Qayratqızı, Samat Qalekenov

Тақырып бойынша материалдар

Танымал жаңалықтар