Ақтөбелік БАҚ өкілдеріне арналған семинар өтті

Ақтөбе облысының Бұқаралық ақпарат құралдары өкілдеріне арналған «Байланыс орнатудың тиімді тетіктері» деген тақырыпта семинар-тренинг өтті.

19:08, 18 мамыр 2017   176

Бұл маусымда өтетін  журналистер күні қарсаңында жергілікті биліктің ұйымдастырған жұмыстарының бірі. Облыс әкімінің орынбасары Ербол Нұрғалиевтің айтуынша, журналистер мен блогерлерге арналған шаралар легі мұнымен шектелмейді. «Алдағы уақытта медиа өкілдеріне арналған бірнеше шара, оның ішінде сайыстар, кездесулер, «Менің қалам - Ақтөбе» тақырыбында бейнероликтер конкурсы ұйымдастырылады», - деді ол. Облыстық ішкі саясат басқармасының тапсырысы бойынша семинар-тренингті Ақтөбе облысының үкіметтік емес ұйымдарының қауымдастығы өткізіп отыр.

ЕРБОЛ НҰРҒАЛИЕВ, АҚТӨБЕ ОБЛЫСЫ ӘКІМІНІҢ ОРЫНБАСАРЫ

Танымал блогерлер Өркен Кенжебек пен Яков Федоров өңірдегі журналистерге жаңа медианың қыр-сырларын үйретті. Шара барысында «Селфбрендинг», «Сторителлинг жазу», «Фактчекинг», «Трендтер: ақпаратты берудің жаңа әдістері» тақырыптары қамтылды. Бұл аға буыннан ажырап қалған  журналистика саласының жаңа буынын қалыптастыру үшін және бұрынғы кеңес одағы кезінде қалыптасқан ақпарат жеткізу үрдісін заманға сай өзгерту үшін керек дейді блогерлер. 

ӨРКЕН КЕНЖЕБЕК, БЛОГЕР

«Қазақстан-Ақтөбе» телеарнасының ресми сайты

Ақтөбе қаласы, 030002, Т.Ахтанов көшесі, 54 үй Байланыс телефондары: 8 (7132) 22-11-44