Димаш «Singer - 2017» байқауының финалына жолдама алды

Димаш Құдайберген "мен әншімін" жобасының 10-кезеңінде үшінші орынға ие болып, байқаудың финалына жолдама алды.

21:31, 17 наурыз 2017   300

Димаш бұл кезеңде Орал Байсеңгірдің сөзіне жазылған өз әні «Ұмытылмас күнді» шырқаған болатын. Ол осымен байқаудың барлық іріктеу кезеңін артта қалдырып, соңғы межеге сүрінбей өтті. Оныншы кезеңнен кейін жарыс жолынан шығып қалған әншілерге жұбату бәсекесі болады. Финал екі кезеңге бөлініп, соңғы финал тікелей эфирден көрсетіледі. Наурыздың 18 күні «Мен әншімін» байқауының 9-кезеңі эфирден көрсетіледі. Онда Димаш канадалық әнші Селин Дионның әнін орындады. Бұл кезеңде Димаш екінші орын алған болатын. Ал 10-кезең эфирге 25 наурыз күні шығады. Сондай-ақ, Димаш Құдайбергеннің Қытайдағы ән байқауындағы сайысын отандық телеарна көрсетеді. 

«Қазақстан-Ақтөбе» телеарнасының ресми сайты

Ақтөбе қаласы, 030002, Т.Ахтанов көшесі, 54 үй Байланыс телефондары: 8 (7132) 22-11-44