13 жер учаскесі аукционға шығарылды

Қала әкімдігінде өнеркәсіптік - азаматтық бағыттағы нысандар салуға ниеттілер үшін аукцион ұйымдастырылды.

16:29, 14 шілде 2017   149

Жер телімдері өңірдің өнеркәсіптік аймағы мен іргелес жатқан ауылдарынан берілді. Аукционға барлығы 13 жер учаскесі шығарылды. Жер учаскелерінің алғашқы құны аумағына байланысты 90 мың теңгеден 1 млн. 500 мың теңгеге дейін бағаланды. Аукционға 55 адам қатысты. Сауданы өткізу қорытындысы бойынша Өнеркәсіптік аймақтағы 35 сотық жер үшін ең жоғары баға - 6 млн.тенге төленді. Ал бұл жердің бастапқы бағасы - 270 мың теңге болатын.

Жер телімдерін ұтып алғандар алғашқы 5 күн ішінде тиісті соманың 50 пайызын төлеуі тиіс. Қалған соманы бір ай уақыт аралығында кешіктірмей енгізуі қажет. Жер телімдері Оңтүстік батыс, Келешек, Ясное, Кірпішті елді мекендерінде орналасқан. Жалдамалы түрде үш жылға беріледі. Аукционға жалпы көлемі 5,7 гектарды құрайтын 13 жер телімі шығарылды. Бастапқы құны 5,6 миллион теңге.

 

 

 

«Қазақстан-Ақтөбе» телеарнасының ресми сайты

Ақтөбе қаласы, 030002, Т.Ахтанов көшесі, 54 үй Байланыс телефондары: 8 (7132) 22-11-44