Ақтөбелік кәсіпкерлер "Қазақстанның үздік тауарын өндіруші" атануға үміткер

Өңірлік кәсіпкерлер палатасы алаңында Президенттің "Алтын сапа" сыйлығын алуға және "Қазақстанның үздік тауары" байқауының жеңімпазы атануға талаптанғандар үшін семинар ұйымдастырылды.

19:28, 20 сәуір 2017   207

Бизнес-қауымдастық өкілдеріне сарапшылар байқаудың іріктеу кезеңінен өту талаптарын түсіндірді. Талапкерлер байқаудың Астанада ЭКСПО халықаралық көрмесі аясында өтетін республикалық кезеңіне қатысады.

Семинарға 30 жергілікті компания қатысты. Тек ірі кәсіпорындар ғана емес, олардың арасында шағын және орта бизнестің өкілдері бар. Олардың айтуынша, республикалық байқауға қатысу бизнестің дамуына серпін беріп қана қоймайды, инвесторлар тартуға да зор мүмкіндік.

АБЫЛАЙ МҰҚАШЕВ, КӘСІПКЕР

"Қазақстанның үздік тауары" байқауы үш номинация бойынша өтеді. Ал "Алтын сапа" президенттің сыйлығын алу бойынша байқау он жылдан бері ұйымдастырылып келеді. "Алтын сапаға" еліміздің ең үздік компаниялары ғана лайық. Бұған үміткерлер негізгі тоғыз талапқа сай болулары керек. Аяғынан нық тұрып, әлеуметтік жауапкершілікті міндетіне алған кәсіпорандар арасында жүлде бөліске түседі.

БАУЫРЖАН ДАРКУЛОВ, "АТАМЕКЕН" ОБЛЫСТЫҚ КӘСІПКЕРЛЕР ПАЛАТАСЫНЫҢ ӨКІЛІ

Байқауға қатысу үшін өтініш маусымның 15-не дейін қабылданады. Бұдан соң,  сарапшылар тобы облыстық кезеңнің қатысушыларын анықтайды. Облыстық кезең бесінші маусымда өтеді. Ал республикалық жарыс Астанада ЭКСПО хзалықаралық көрмесі аясында тамыз айында өтетін болады. 

Жұлдыз Алмасқызы

«Қазақстан-Ақтөбе» телеарнасының ресми сайты

Ақтөбе қаласы, 030002, Т.Ахтанов көшесі, 54 үй Байланыс телефондары: 8 (7132) 22-11-44