ШҰҒЫЛ! БІЛІМ БЕРУ САЛАСЫНЫҢ ЖАЙ-КҮЙІ ТАЛҚЫЛАНДЫ Толығырақ

Ақтөбеде бастауыш сынып оқушысын дене шынықтыру пәнінің мұғалімі зорламақ болған

09:53, 22 ақпан 2017

Ақтөбедегі мектептердің бірінде мұғалімге қатысты шу шықты. Шағымданған ата-ана 23 жастағы мұғалім 3-сыныпта оқитын қызына жыныс мүшесін көрсетіп, қолымен ұстатқан деп отыр.

Бұл туралы 31 арна хабарлайды.

Қазір бұл оқиғаға қатысты тергеу амалдары жүріп жатыр. Ал оқуын қызыл дипломмен аяқтап, биыл ғана денешынықтыру пәнінің мұғалімі болған азамат бұлай істеді дегенге ұжым сене алар емеспіз дейді.

Соңғы екі-үш күннен бері Ақтөбедегі бұл мектептің ұжымы да, оқушылар мен ата-аналар да мектеп қабырғасында “осындай болыпты” деген оқиғадан кейін естерін жия алар емес. Оқушы қыздың ата-анасының түсірген шағымына қарағанда, мұғалім үшінші сыныпта оқитын өзінің оқушысын мектептегі таса жерге апарып, жыныс мүшесін ұстатқан. Шағымнан соң, өзге ата-аналар да балаларды мектепке жіберуге қорқатын болдық дейді.

“Мен алғаш естігенде қатты қорқып кеттім. Шын емес болар деп ойладым. Әрине енді қорқамыз. Балаларымызды мектепке жіберуге қорқатын болдық. 8-ші сыныпта сіңілім оқиды. Ойлаудың өзі қорқынышты”, – дейді тұрғын Людмила Викторовна.

Мұғалімнен зәбір көруі мүмкін деген оқушының ата-анасы әзірге ел алдына шығуды қаламапты. Ал мектеп директоры жас мұғалім “олай істемеді” деп кесіп айта алмайды. Айтуынша, қазір кішкентай қызға тиісті деген мұғалім тергеуге байланысты жұмыстан шеттетілген. Дегенмен, басшылық жас мұғалімнен жаман қылық байқамаған едік деп отыр.

“Ес -ақылы дұрыс, колледж бітірген бала. Арақ ішпейді, темекі тартпайды. Оның артынан ондай жағдайды ешқашан көрген емеспіз. Қазір мен сізге нақты ештеңе айта алмаймын. Неге десеңіз қазір следствиесі жүріп жатыр. Бізге олар анық ештеңе айтқан жоқ”, – дейді Ақтөбе қаласы №16 орта мектебінің директоры Латып Әліби.

Облыстық ішкі істер департаменті баспасөз қызметінің хабарлауынша, бұл оқиғаға қатысты шағым полиция бөліміне түскен. Қазір мұғалімнің әрекеттеріне қатысты істі полицейлер жан-жақты тексеріп, айналысып жатыр дейді.

Дереккөзі: stan.kz

Тақырып бойынша материалдар

Киік мүйізін алып өтпек болған Өзбекстан азаматы ұсталды
13:01, 22 қыркүйек 2017
Киік мүйізін алып өтпек болған Өзбекстан азаматы ұсталды
Толығырақ...

Танымал жаңалықтар

19:38, 5 желтоқсан 2019
ОҚУШЫЛАР АРАСЫНДА ПӘНДІК ОЛИМПИАДА БАСТАЛДЫ
Толығырақ...
ЖАУАПСЫЗ БАСШЫЛАР ЖҰМЫСТАН БОСАТЫЛАДЫ
21:30, 4 желтоқсан 2019
ЖАУАПСЫЗ БАСШЫЛАР ЖҰМЫСТАН БОСАТЫЛАДЫ
Толығырақ...
ЕСТУ ҚАБІЛЕТІ ТӨМЕН БАЛАЛАР ҚАМҚОРЛЫҚҚА АЛЫНДЫ
18:29, 5 желтоқсан 2019
ЕСТУ ҚАБІЛЕТІ ТӨМЕН БАЛАЛАР ҚАМҚОРЛЫҚҚА АЛЫНДЫ
Толығырақ...