27 жас маман полиция көмекшісі атанды

27 жас маман полиция көмекшісі куәлігіне ие болды.

16:15, 14 шілде 2017   119

Олар жастар тәжірибесімен құқық қорғау органдарына бағытталған болатын. Енді олар алты ай бойы тәртіп сақшыларының қызметіне қолғабыс жасап, сақшылықтың қыр-сырын меңгермек. Бұл үшін оларға жалақы да төленеді. №3 учаскелік полиция пунктінде қала әкімі Ілияс Испанов көшпелі жиын өткізді.

Жергілікті полиция қызметінде екі аптадан бері тәжірибеден өтіп жатқан жас мамандармен жүздесті. Бағдарлама талабына сай, жасы 29-дан аспаған, жоғарғы білімі бар азаматтар 6 ай практикадан өтеді. Және оларға 56 мың теңге көлемінде жалақы төленеді. Болашақта жұмыс орнын сақтап қалу мүмкіндігі бар екені де айтылды. Жоғарғы оқу орнын заңгер мамандығы бойынша тәмәмдаған жастар болашақта құқық қорғау органдарында қызмет еткісі келетіндерін айтты.

Қазірдің өзінде полицияның көмекшісі ретінде біраз нәрсені үйрендік дейді. Қазір жас мамандар Зауыт, Елек, Сазды және Заречный полиция бөліміндерінде жұмыс жасап жүр. Жастарға "Полицияның қоғамдық көмекшісі" деген куәлікті қала әкімі салтанатты түрде табыстады.

Райгүл Еншібайқызы

 

 

«Қазақстан-Ақтөбе» телеарнасының ресми сайты

Ақтөбе қаласы, 030002, Т.Ахтанов көшесі, 54 үй Байланыс телефондары: 8 (7132) 22-11-44