ШҰҒЫЛ! "БАҚЫТТЫ ОТБАСЫ" БАҒДАРЛАМАСЫНА ҚОСЫМША ҚҰЖАТТАР ҚАБЫЛДАНАДЫ Толығырақ

АҚТӨБЕДЕ НҰРСҰЛТАН НАЗАРБАЕВ КӨШЕСІ ПАЙДА БОЛДЫ

21:02, 20 наурыз 2019

Ақтөбеде де Нұрсұлтан Назарбаев көшесі пайда болды.  Ақтөбе облыстық мәслихатының депуттаттары халықтың ұсынысын қабылдап, Әбілқайыр хан даңғылының бір бөлігіне Нұрсұлтан Назарбаев есімін берді. Мәслихаттың кезектен тыс 30-шы сессиясы облыс әкімі Оңдасын Оразалиннің төрағалығымен өтті. 

Ақтөбедегі ең ұзын көше - Әбілқайыр хан даңғылының Әлия Молдағұлова даңғылынан Бөкенбай батыр көшесіне дейінгі аралығы енді Нұрсұлтан Назарбаев атындағы даңғыл болып аталады. Көшенің ұзындығы - 3,1 шақырымды құрайды. Халық қалаулылары қала әкімдігі жанынан құрылған ономастика комиссиясына ақтөбеліктерден түскен ұсыныстарды қарап, даңғыл атауын қайта өзгерту туралы шешімді бірауыздан қабылдады. Депутаттар даңғылды Нұрсұлтан Назарбаев деп атау ұрпақтар сабақтастығының бір көрінісі дейді. 

Нұрсұлтан Назарбаев даңғылы бойында әлеуметтік-экономикалық нысандар орналасқан. "Қазпошта", "Өнер орталығы", Елбасы өзі ашқан Тұңғыш Президент атындағы орталық саябақ пен Астана саябағы, 2009 жылы пайдалануға берілген Нұр Ғасыр мешіті, 25 қабатты үй және тағы да басқалары. Назарбаев көшесінің пайда болуы-Тұңғыш президентке деген зор ықылас. Ақтөбе ферроқорытпа зауытының жұмысшылары осындай пікірде. Аса берік шойын өндіруге қажетті ферроқоспалар шығаруға мамандандырылған металлургиялық кәсіпорында қазір 4000 ға жуық адам жұмыс істеп жатыр.  Өз өкілеттігін тоқтатқан президенттің еңбегін ескеріп, қаламыздың бас даңғылының бір бөлігіне Н.Назарбаевтың есімін беру-оң іс,-дейді металлургтер.

Гүлбағда Қайратқызы

Тақырып бойынша материалдар

ШАҺАР БАСШЫСЫ КЕҢҚИЯҚТЫҚ ОҚУШЫЛАРМЕН КЕЗДЕСТІ
19:44, 16 тамыз 2019
ШАҺАР БАСШЫСЫ КЕҢҚИЯҚТЫҚ ОҚУШЫЛАРМЕН КЕЗДЕСТІ
Толығырақ...

Танымал жаңалықтар

АҚТӨБЕЛІК БАЛУАНДАР - БЕЛБЕУ КҮРЕСІНЕН ӘЛЕМ ЧЕМПИОНЫ
20:42, 14 тамыз 2019
АҚТӨБЕЛІК БАЛУАНДАР - БЕЛБЕУ КҮРЕСІНЕН ӘЛЕМ ЧЕМПИОНЫ
Толығырақ...
801 АДАМ МАГИСТРАТУРАҒА ЕМТИХАН ТАПСЫРДЫ
21:24, 14 тамыз 2019
801 АДАМ МАГИСТРАТУРАҒА ЕМТИХАН ТАПСЫРДЫ
Толығырақ...