ШҰҒЫЛ! Үй тонау, мал ұрлау деректері көбейген Толығырақ

Ауыл шаруашылық жәрмеңкесі

17:56, 17 шілде 2017

"Туған жерім - Нұрлы елім" акциясы аясында Ақтөбеде Әйтеке би ауданының күндері өтті.

Мерекелік бағдарлама ауыл шаруашылық жәрмеңкесімен басталды. "Табыс" коммуналдық базарында шаруа қожалықтарының өнімдері қойылып, 10-15 пайызға төмен бағамен сатылды. "Табыс" коммуналдық базарында бір күн бойы Әйтеке би ауданының кәсіпорындары мен ірі шаруа қожалықтары тауарларын әкеліп сатты. Ет, сүт өнімдері ақтөбеліктерге арзан бағамен ұсынылды.

Ауданның тауар өндірушілері өнімдерін молынан әкелген. Оның арасында соңғы жылдары құрылған өндірістік кооперативтердің еті мен сүті де бар. Кейбірі мемлекеттік қолдаудың арқасында ісін дамытып, дайын өнім шығаруды қолға алыпты. 

Нарықтағы бағамен салыстарғанда, әлдеқайда арзан болған ауыл өнімін қала тұрғындары ертемен келіп сатып алып жатты. Әсіресе, жылқы, қой еті өтімді болды. Түске дейінгі уақытта-ақ, коммуналдық базарға жеткізілген тауарлардың басым бөлігі өтіп кетті.

Бұл әйтекебилік шаруалардың алғашқы жәрмеңкесі емес. Жыл соңына дейін тағы да бірнеше рет Ақтөбеге өз өнімдерін әкелетін болады.

Әнуарбек Мырзатайұлы, Аманжол Айтмағамбетов

 

Тақырып бойынша материалдар

Үй тонау, мал ұрлау деректері көбейген
18:51, 16 ақпан 2018
Үй тонау, мал ұрлау деректері көбейген
Толығырақ...

Танымал жаңалықтар