ШҰҒЫЛ! 1 желтоқсан - ҚР-ның Тұңғыш Президенті күні Толығырақ

Болашақ ұшқыштар ант қабылдады

17:51, 11 қыркүйек 2017

Болашақ ұшқыштар ант қабылдады.

Талғат Бигельдинов атындағы әуе қорғаныс күштері институтының курсанттар қатарын толықтырған 96 бозбала салтанатты түрде әскери ант қабылдау рәсіміне қатысты. Қорғаныс күштерінің қатарына алынған азаматтар Отанға адал болуға серт берді.

Салтанатты марш, әскери әуен, көк тудың желбірегені... Бұл Отанға, халқына, ел Президентіне адал болуға ант беру рәсімі - әскери институт үшін дәстүрлі шара. Ұшқыш болу арманы оқуға жетелеп келген жас курсанттар алдында енді асқан жауапкершілік тұр. Ер азамат үшін бұл күн есте қаларлық күн. Салтанатты шарада сөз алған әскери институт басшысы жастарға қайсар рухты Отан қорғаушы болуға тілектес екенін жеткізді.

МҰРАТ ӘЖМҰРАТОВ, Т. БИГЕЛЬДИНОВ АТЫНДАҒЫ ӘУЕ ҚОРҒАНЫС КҮШТЕРІ ИНСТИТУТЫНЫҢ БАСТЫҒЫ

- Соңғы демім қалғанша адал болам деп ант еттіңіздер. Енді сол уәдені орындауға тырысыңыздар. Сіздер елдің болашақ қорғанысызыдар. Кішіге үлгісіздер. Бүгінгі маңызды күнмен сіздерді құттықтаймын

Салтанатты шараға 96 курсант қатысты. Олардың қатарында Қырғызстан және Тәжікстан студенттері де бар. Ал, 26-сы әскери әулеттің ізін жалғастырған бозбалалар

Осы сәттен бастап жастар Қазақстан Қарулы Күштерінің қатарына ресми түрде қабылданды. Алғаш рет бірыңғай саппен әскери институттың алаңқайын адымдап өтті. Енді жігіттер күрделі әскери ғылымның, әуе күштерінің қыр-сырын меңгеретін болады. Айта кеткен жөн, биыл  Ұлттық бірыңғай тестілеуде 97 балдан артық жинағандар ғана инситутқа қабылданды. Әрі спортта алғыр болуы тиіс деген талаптың тезінен өткен талапкерлер курсант атанды.

Тақырып бойынша материалдар

Енді мопед пен велосипед мінгендер жол жиегінде еркін жүре алады
19:11, 21 қараша 2017
Енді мопед пен велосипед мінгендер жол жиегінде еркін жүре а...
Толығырақ...
Өңірде ажырасқандар саны азаймай отыр
18:39, 21 қараша 2017
Өңірде ажырасқандар саны азаймай отыр
Толығырақ...

Танымал жаңалықтар

Такси жүргізушілеріне қатысты шағым көп
17:08, 17 қараша 2017
Такси жүргізушілеріне қатысты шағым көп
Толығырақ...
Балабақшалардың жұмыс кестесі өзгереді
17:20, 16 қараша 2017
Балабақшалардың жұмыс кестесі өзгереді
Толығырақ...