ШҰҒЫЛ! #САУЛЫҚСАҚТЫҚТА Толығырақ

COVID - 19: АУДАНДАҒЫ ЖАЛПЫ АХУАЛ

16:20, 20 қараша 2020

Облыс орталығы ғана емес, аудан, ауылда COVID - 19-ға қарсы күрес жұмысы жүйелі жүргізіліп жатыр. Мұғалжардағы ауруханаға жаңа жедел жәрдем көлігі жеткізіліп, қажетті құрал-жабдықтың бәрі жаңарды. Сонымен бірге науқастардың өмірін сақтап қалуға аса қажет өкпені жасанды желдету аппараты да бар. 
Берік Ибрагимов - аудандық ауруханадағы анестезиолог-реаниматолог дәрігер. Ол 2014 жылы медициналық университетті тәмамдап, "Дипломмен ауылға" бағдарламасымен ауданға жолдама алған. Ең жауапты мамандықты таңдағанына өкінбейді, адамдарға көмек көрсетуді борышы санайды. Дәрігер-реаниматолог індеттің алғашқы толқыны кезінде  алдыңғы шепте жүріп, провизорлық стационарда еңбек етті. Дене қызуы көтеріліп, жөтеліп, тыныс алуы нашарлаған науқастарға күн-түн демеу көмек көрсетіп, ем жүргізді. Қазір де өте сақ. Екінші толқынға дайындық жан-жақты жүргізілген. Аудандық ауруханаға 4 өкпені жасанды желдету аппараты жеткізілді. 

Індеттің алғашқы толқыны кезінде Мұғалжар аудандық ауруханасына тәулігіне 80 адам жеткізілген. Мұнда барлығы 500-ге жуық науқас ем қабылдады. Ақ халаттылардың қажырлы еңбегі мен тынымсыз тірлігінің арқасынде көбі дертінен айығып, отбасымен қауышты. Қазір мұндағы тірлік қалыпты. Дегенмен арқаны кеңге салуға болмайды. Аурухана іші екі дейгейге бөлінген. Екінші толқынға дайындық қазан айында басталып, жұмыс жүйелі жүргізілді. Қажетті құрал-жабдықпен толық қамтамасыз етілді. Құны 40 миллион теңге болатын цифрлы рентген аппараты жеткізілді. 
Биыл аудандық ауруханада көп іс тындырылды.  Үшінші және төртінші қабаттағы стационар бөлімі жөнделіп, медицина қызметкерлерінің жұмысын жеңілдету үшін лифт жаңартылды. Сонымен бірге жылу жүйесі қайта жаңғыртылды.

Мұнда қазір 400-ден астам адам еңбек етіп жүр. Оның 8-і облыс орталығынан ауданға барған жас маман. 

Мереке Амангелдіқызы

Тақырып бойынша материалдар

17 МЫҢ АДАМ ҚАРЖЫ ПИРАМИДАСЫНЫҢ ҚҰРЫҒЫНА ІЛІНГЕН
20:00, 27 қараша 2020
17 МЫҢ АДАМ ҚАРЖЫ ПИРАМИДАСЫНЫҢ ҚҰРЫҒЫНА ІЛІНГЕН
Толығырақ...

Танымал жаңалықтар

АУЫР САЛМАҚТЫ ЖҮК КӨЛІКТЕРІ САЛДАРЫНАН ЖОЛДАР БҮЛІНІП ЖАТЫР
20:00, 26 қараша 2020
АУЫР САЛМАҚТЫ ЖҮК КӨЛІКТЕРІ САЛДАРЫНАН ЖОЛДАР БҮЛІНІП ЖАТЫР
Толығырақ...
ТЕЛЕАРНА ҚЫЗМЕТКЕРЛЕРІ МЕКТЕП ОҚУШЫЛАРЫМЕН КЕЗДЕСТІ
16:20, 23 қараша 2020
ТЕЛЕАРНА ҚЫЗМЕТКЕРЛЕРІ МЕКТЕП ОҚУШЫЛАРЫМЕН КЕЗДЕСТІ
Толығырақ...