ШҰҒЫЛ! МАЛ ҰРЛАУМЕН АЙНАЛЫСҚАН 8 АДАМ ҰСТАЛДЫ Толығырақ

ГАЗ ТАПШЫ БОЛМАЙДЫ

17:26, 30 қаңтар 2019

Өңірде сұйық отын тапшы емес. Себебі сұйылтылған мұнай газының бағасы мен тұрақты қамтамасыз етілуін жергілікті билік күн сайын бақылауда ұстап отыр. Облыс әкімдігінде көгілдір отынды тарату мәселесіне қатысты арнайы кеңес облыс әкімінің орынбарасы Қайрат Бекеновтің төрағалығымен өтті.

Облыс бойынша тәулігіне 350 тонна сұйылтылған газ пайдаланылады. Қазір шамамен 44 мың автокөлік газбен жүреді. Облыста 145 автогаз құю бекеті бар десек, оның 70-сі Ақтөбеде. Ал осы саладағы жағдайды бақылауда ұстау үшін облыс әкімінің тапсырмасымен арнацйы комиссия құрылған.

ҚАЙРАТ  БЕКЕНОВ, АҚТӨБЕ ОБЛЫСЫ ӘКІМІНІҢ ОРЫНБАСАРЫ

-Облыс әкімінің тапсымасына сәйкес, комиссия ауқымды жұмыстар атқарып жатыр. Біз бүгін мемлекеттік оьргандардың, қоғамдық ұйымдардың комиссия мүшелігіне кірген өкілдерінің бәрін шақырдық. Газ өндіретін зауыттардан, газ құю бекеттерінен бастап, автокөлікке газ құюшы жұмысшыға дейін осы мәселеге қатысы бар.

Комиссия мүшелерінің айтуынша, қазір Ақтөбе облысында сұйық отын қоры мол, шектеусіз сатылып жатыр. Энергетика министрлігі облыстың ішкі нарығын қамтамасыз ету үшін 11 мың тонна сұйылтылған газ беріп отыр. Бұл автобекеттерді газбен үздіксіз қамту үшін жеткілікті және көгілдір отын тапшылығы да болмауы тиіс.

ҚАЙРАТ  БЕКЕНОВ, АҚТӨБЕ ОБЛЫСЫ ӘКІМІНІҢ ОРЫНБАСАРЫ

-Ақпан айына 11 мың тонна газ бөлініп отыр. Біз автокөлік иелерінің мүддесін министрлікте қорғап қалдық. Бұл отын біздің облыстың газбен жүретін көліктері үшін бір айға жетеді. Бағасы да қолжетімді болады. Яғни, бүгінгі таңда газдың бағасы көтерілмейді. Ешқандай тапшылық жоқ. Ақпан айында тұрақты қалыппен жұмыс жүреді.

АЛТЫНАЙ  МҰХАНОВА, СҰЙЫЛТЫЛҒАН ГАЗ ЖЕТКІЗУШІЛЕР АССОЦИАЦИЯСЫНЫҢ ТӨРАҒАСЫ

-Бәріміз газдың көлемін, жеткізушілерге де, автокөлік иелеріне де берілетін мүмкіндікті жақсы түсініп отырмыз. 11 мың тонна газ біздің облыс үшін жеткілікті. Газ құрылғысын қондырып жатқан автокөліктердің көптігін ескерсек те, бұл автогаз құю бекеттерінде ешқандай кезектің болмайтынын білдіреді.

ИГОРЬ  СНЕГИРЁВ, ҚАЗАҚСТАНДЫҚ ОТЫН АССОЦИАЦИЯСЫНЫҢ ӨКІЛІ

-Беріліп отырған газ көлемі өзге облыстармен салыстырғанда жеткілікті. Бұл ішкі нарық сұранысын толық қанағаттандыруы тиіс. Қазір жеткізуші бекеттерге газ бірдей көлемде бөлініп беріледі. Сондай көлемде таратылады. Ешқандай жасырып-жабу жоқ. Бұдан әрі де бұл жұмыс кедергісіз болады деген үміттемін.

Тақырып бойынша материалдар

КӨПБАЛАЛЫ ОТБАСЫЛАР ҮШІН БӨЛЕК ҮЙ КЕЗЕГІ
19:32, 24 сәуір 2019
КӨПБАЛАЛЫ ОТБАСЫЛАР ҮШІН БӨЛЕК ҮЙ КЕЗЕГІ
Толығырақ...
ОБЛЫС ӘКІМІ ВИЦЕ-АДМИРАЛ Ж.ЖАНЗАҚОВТЫ ҚАБЫЛДАДЫ
18:36, 24 сәуір 2019
ОБЛЫС ӘКІМІ ВИЦЕ-АДМИРАЛ Ж.ЖАНЗАҚОВТЫ ҚАБЫЛДАДЫ
Толығырақ...

Танымал жаңалықтар

БЮДЖЕТ ҚАРЖЫСЫН ТИІМСІЗ ЖҰМСАҒАН ӘКІМДЕР ЖАУАПҚА ТАРТЫЛАДЫ
19:06, 19 сәуір 2019
БЮДЖЕТ ҚАРЖЫСЫН ТИІМСІЗ ЖҰМСАҒАН ӘКІМДЕР ЖАУАПҚА ТАРТЫЛАДЫ
Толығырақ...
МАЛ ҰРЛАУМЕН АЙНАЛЫСҚАН 8 АДАМ ҰСТАЛДЫ
17:29, 23 сәуір 2019
МАЛ ҰРЛАУМЕН АЙНАЛЫСҚАН 8 АДАМ ҰСТАЛДЫ
Толығырақ...