ШҰҒЫЛ! БІЛІМ БЕРУ САЛАСЫНЫҢ ЖАЙ-КҮЙІ ТАЛҚЫЛАНДЫ Толығырақ

ҚАЛА ӘКІМІ ЖАСТАРМЕН КЕЗДЕСТІ

21:43, 9 тамыз 2019

Қала әкімі Мавр Абдуллин шаһардың белсенді жастарымен кездесті. Олар кәсіпке енді бет бұрғандар, спортшылар мен шет елдік жоғарғы оқу орынында білім алып жүрген студенттер. Жастар күні қарсаңында шаһар басшысымен кездескен белсенділер еркін  пікір алысты. Бүгінгі қоғамдағы өзекті мәселені талқылап, өз жолдарында кездескен қиындықтар туралы ой қозғады.   Қала әкімі жастармен әдеттегідей әкімдікте болмаса мәдени ошақтардың бірінде емес, табиғат аясында, дастархан басында кездесті. Бейресми жиынға келген өскелең ұрпақ өкілдері де шаһар басшысына емін-еркін сұрақтарын қойып, көкейлерінде жүрген ойларын айтты. Мавр Абдуллин қатысушыларды жастар жылымен құттықтап, жаңа оқу жылына сәттілік тіледі.  Әкіммен кездесуге жас кәсіпкерлер, өнер мен спортта биік белестерді бағындырып жүрген жастар, мүмкіндігі шектеулі, дегенмен рухы мықты жандар және шет елде білім алып жүрген ақтөбелік студенттер келді.  Мәселен, Лаура  Ануарова  Ресейдің мәдени астанасы Санк-Петербугте  оқиды. Болашақ инженер-құрастырушы қатарластарына неліктен бұл мамандықты таңдағанын және шет елдегі білім беру жүйесінің ерекшеліктері туралы айтып берді. Бүгінгі таңда өңірде 115 мың жас болса, оның 20 мыңы студент. 307 ақтөбелік  Америка Құрама Штаттарында, Италия, Франция, Ресейде білім алып жүр. Олардың қатарындағы қоғамдық жұмыстарға үлес қосып, белсенділік танытып жүргендері жастар мерекесі қарсаңында марапатталды.  Шараға жиналғандар үшін  сондай-ақ тренингтер ұйымдастырылды. Жастарға  отбасылық құндылықтар туралы айтылып, кәсіпкерліктің қыр-сыры үйретілді. 

Гүлдана Абайқызы

Тақырып бойынша материалдар

ТҮНДЕ КӨШЕДЕ ЖҮРГЕН ЖАСӨСПІРІМДЕР ПОЛИЦИЯ БӨЛІМІНЕ ЖЕТКІЗІЛДІ
21:14, 6 желтоқсан 2019
ТҮНДЕ КӨШЕДЕ ЖҮРГЕН ЖАСӨСПІРІМДЕР ПОЛИЦИЯ БӨЛІМІНЕ ЖЕТКІЗІЛД...
Толығырақ...

Танымал жаңалықтар

19:38, 5 желтоқсан 2019
ОҚУШЫЛАР АРАСЫНДА ПӘНДІК ОЛИМПИАДА БАСТАЛДЫ
Толығырақ...
ЖАУАПСЫЗ БАСШЫЛАР ЖҰМЫСТАН БОСАТЫЛАДЫ
21:30, 4 желтоқсан 2019
ЖАУАПСЫЗ БАСШЫЛАР ЖҰМЫСТАН БОСАТЫЛАДЫ
Толығырақ...
ЕСТУ ҚАБІЛЕТІ ТӨМЕН БАЛАЛАР ҚАМҚОРЛЫҚҚА АЛЫНДЫ
18:29, 5 желтоқсан 2019
ЕСТУ ҚАБІЛЕТІ ТӨМЕН БАЛАЛАР ҚАМҚОРЛЫҚҚА АЛЫНДЫ
Толығырақ...