ШҰҒЫЛ! ҚОҒАМДЫҚ КӨЛІКТІҢ ЖОЛАҚЫСЫ ҚЫМБАТТАМАЙДЫ Толығырақ

Қурайлы мен Саздыда 90 үй салынып жатыр

16:16, 17 шілде 2017

Қурайлы мен Сазды ауылында құрылыс қарқынды. 90-ға жуық үй салынып жатыр.

Жергілікті билік жер бөліп, құрылыс бұйымдары үшін қаржылай қолдау көрсетті. Қарапайым халық та қарап қалған жоқ. Асарлатып қол көмегін көрсетуде. Су тасқынынан зардап шеккендерге қолдау әлі де жалғасуда. Қазір құрылыс жұмыстары түрлі деңгейде. Бірі шатырын көтеріп алса, енді бірі қабырғасын қалап жатыр. Ішкі сылаққа кіріскендер де бар. Бұл жұмыстар қазан айының ортасында аяқталуы тиіс,-деді құрылыс барысын көрген өңір басшысы. Қурайлы және Сазды ауылдарынан көктемгі су тасқынынан  зардап шеккендерге 70 жер телімі берілді. Бұл жерлерде қазір құрылыс қарқынды. Үйлер салынып, бірнеше көше пайда болды. Жұмыс барысын көрген өңір басшылығы газ, су мен жарық барлық учаскеге түгел кіргізілуін тапсырды.

БЕРДІБЕК САПАРБАЕВ, АҚТӨБЕ ОБЛЫСЫНЫҢ ӘКІМІ

 -Басты міндет - үйлердің құрылысын қазан айының ортасынан кешіктірмей аяқтау. Қазақтар əрқашан бір біріне көмектескен, барлық туыстары, достары "асарлатып" көмектесулері керек. Біз қажет болған жағдайда əрбір отбасыға материалдық жағдайына байланысты қосымша жəрдем беру мəселесін қарастыратын боламыз.

Ақтөбеде табиғи апаттан зардап шеккен 89 отбасына жер учаскесі берілді. Баспана салу үшін 1 миллион теңге көмек көрсетілді. Бұдан өзге, 22 отбасыға пəтер кілті  табысталды. Құжаттары суда кеткендерге "Қолғанат Ақтөбе" қайырымдылық қоры  61 миллион 600 мың теңге материалдық көмек көрсетті. Қаражатты 585 шаңыраққа бөліп берді. Қурайлы мен Саздыға қоныс аударғандарға қолдау құрылыспен шектеліп қалмайды. Олардың орнығып кетуі де басты назарда.

БЕРДІБЕК САПАРБАЕВ, АҚТӨБЕ ОБЛЫСЫНЫҢ ӘКІМІ

- Мына құрылыстар біткеннен кейін, қарау керек, жер учаскесін алып, ауыл шаруашылығымен айналысу керек. Егін егіп, мал ұстау қажет. Сол кезде жағдай жақсарады.

Қоныстанушылардың жаңа мекенге бейімделуіне барлық жағдай жасалмақшы. Кәсіппен айналысам дегендерге, құқықтық қолдау көрсетіледі. Кеңес, бағыт-бағдар беріледі. Ал әр салада еңбек еткендер мүмкіндігінше жұмыспен қамтылатын болады. 

Гүлбағда Қайратқызы, Самат Қалекенов

 

 

Тақырып бойынша материалдар

АҚТӨБЕНІҢ НАМЫСЫН ҚОРҒАЙТЫН ӨНЕРПАЗДАР АНЫҚТАЛДЫ
14:25, 17 маусым 2018
АҚТӨБЕНІҢ НАМЫСЫН ҚОРҒАЙТЫН ӨНЕРПАЗДАР АНЫҚТАЛДЫ
Толығырақ...
ҚОҒАМДЫҚ КӨЛІКТІҢ  ЖОЛАҚЫСЫ ҚЫМБАТТАМАЙДЫ
20:05, 15 маусым 2018
ҚОҒАМДЫҚ КӨЛІКТІҢ ЖОЛАҚЫСЫ ҚЫМБАТТАМАЙДЫ
Толығырақ...

Танымал жаңалықтар

АҚТӨБЕНІҢ НАМЫСЫН ҚОРҒАЙТЫН ӨНЕРПАЗДАР АНЫҚТАЛДЫ
14:25, 17 маусым 2018
АҚТӨБЕНІҢ НАМЫСЫН ҚОРҒАЙТЫН ӨНЕРПАЗДАР АНЫҚТАЛДЫ
Толығырақ...
ҚҰРЫЛЫС ЖӘНЕ КОММУНАЛДЫҚ САЛАНЫ ДАМЫТУ МӘСЕЛЕСІ ТАЛҚЫЛАНДЫ
19:42, 12 маусым 2018
ҚҰРЫЛЫС ЖӘНЕ КОММУНАЛДЫҚ САЛАНЫ ДАМЫТУ МӘСЕЛЕСІ ТАЛҚЫЛАНДЫ
Толығырақ...