ШҰҒЫЛ! 500 МЛРД ИНВЕСТИЦИЯ ТАРТЫЛАДЫ Толығырақ

ҚҰРЫЛЫС САПАСЫНА ТАЛАП КҮШЕЙДІ

17:11, 16 сәуір 2018

Облыс әкімі Бердібек Сапарбаев "Қарғалы" тұрғын үй алабының дамуымен танысты. Көшпелі кеңеске "Нұрлы жер" бағдарламасы арқылы үйлерді салып жатқан мердігер компаниялар басшылары шақырылды. Кеңестен соң, өңір басшысы қалалық ипподромда өткен атжарысты және ауыл шаруашылық жәрмеңкесін көрді.

Көктем шығысымен "Нұр Ақтөбе" ауданында құрылыс жұмыстары қарқын алып, аумақты абаттандыру жұмыстары басталды. Алғашқы үйлері биыл ақпанда пайдалануға берілген 4-ші шағын ауданда 900 орындық мектеп салынып жатыр. Осы жерде жылу қазандығының құрылысы жалғасуда. Күзде аяқтап, пайдалануға береді.

Бұдан соң, Бердібек Сапарбаев энерготиімділік орталығына барды. Бұл жобаның құрылысы ұзаққа созылған болатын. 2016 жылдың желтоқсанында ғимарат республикалық баланстан облыс әкімдігінің коммуналдық меншігіне берілді. Қазір құрылыс аяқталуға жақын. Бұл ғимаратта тағы бір "Халықтық кеңсе" ашылады, ішкі істер департаменті жедел басқару орталығы, қаланың инженерлік желілермен қамтылуын бақылау орталығы орналасады.

Сондай-ақ тұрғын үй массивінде Есет батыр Көкіұлының ескерткіші тұрғызылады. Монумент айналасында тұрғындардың демалысына арналған алаңқай, шағын саябақ болады. Ал бірінші ықшам ауданда Бердібек Сапарбаев "Нұрлы жер" бағдарламасы арқылы үйлерді салып жатқан мердігер компаниялар басшыларының қатысуымен көшпелі кеңес өткізді. 

Өңір басшысы баспана құрылысының сапасына ерекше көңіл бөлді.

Бұдан соң, облыс әкімі қалалық ипподромда өткен атжарысты және ауыл шаруашылық жәрмеңкесін көрді. Жәрмеңкеде ақтөбеліктер нарық құнынан 10-15 пайызға төмен бағаға ет-сүт өнімдерін, көкөніс, кондитерлік өнімдер сатып алды. Жалпы 100 тонна жуық азық-түлік сатылды. Спорттық ойындарды көруге келгендер үшін де бұл күн жақсы демалыс болды. Бәйге, теңге ілу, көкпар сияқты ұлттық ойындарды тамашалаған жанкүйерлер мұндай шаралардың жиі ұйымдастырылса деген тілек білдірді. Ал жергілікті шаруа қожалықтары осы жерде қымызхана ашты. Жаз бойы жұмыс істейтін қызымханаға олар көпшілікті шақырып, киіз үйлерде қымыз бен шұбат ұсынды.

Тақырып бойынша материалдар

 ӘЙЕЛ КӘСІПКЕРЛЕРГЕ ЖЕҢІЛДЕТІЛГЕН НЕСИЕ БЕРІЛЕДІ
19:11, 20 шілде 2018
ӘЙЕЛ КӘСІПКЕРЛЕРГЕ ЖЕҢІЛДЕТІЛГЕН НЕСИЕ БЕРІЛЕДІ
Толығырақ...
 АУАНЫ ЛАСТАУШЫ НЕГІЗГІ КӨЗДЕР АНЫҚТАЛДЫ
17:47, 20 шілде 2018
АУАНЫ ЛАСТАУШЫ НЕГІЗГІ КӨЗДЕР АНЫҚТАЛДЫ
Толығырақ...

Танымал жаңалықтар