ШҰҒЫЛ! ҚАЛАДА 16 ҮЙ АПАТТЫ ЖАҒДАЙДА ТҰР Толығырақ

ОБЛЫСТА ҚЫЛМЫС АЗАЙДЫ

19:20, 14 қыркүйек 2018

Бүгін облыстық мәслихат депутаттары құқық бұзу деректерінің алдын алу және қылмыспен күрес мәселесін талқылады. Облыстың бас тәртіптік сақшысы өңірдегі қылмыстық ахуалды баяндады.

Облыстық ішкі істер департаментінің бастығы Махамбет Әбісатовтың айтуынша, топтық және тұрмыстық қылмыстар екі есеге төмендеген. Алдын алу жұмыстары оң нәтиже берді дейді сала басшысы.

Заң пәрменімен жұмыстың нәтижесінде құқық бұзғандарға 851 миллион теңге әкімшілік айыппұлдар салынды. Әзірге бұл соманың 57 пайызы өндірілді. Ал, қару жарақ дүкендері толығымен назарға алынды. Қала аумағындағы осындай  үш дүкен шұғыл басқару орталығы арқылы бақыланады.

Тұрақты комиссия қараған екінші мәселе  мемлекет пен үкіметтік емес ұйымдардың арасындағы өзара іс-қимыл нәтижелері туралы болды. Облыстық ішкі саясат басқармасының мәліметінше, облыс аумағында әр түрлі бағытта жұмыс жасайтын 610 ұйым тіркелген. Мемлекеттік ұйымдар негізінен әлеуметтік тапсырыс шеңберінде жұмыстарын жүргізіп отыр. Биыл мемлекеттік әлеуметтік тапсырыс аясында 481 милион теңгенің 103 жобасын  іске асырған.

Тақырып бойынша материалдар

Танымал жаңалықтар