ШҰҒЫЛ! ЭКОЛОГИЯЛЫҚ АХУАЛ АЛАҢДАТТЫ Толығырақ

ОҚУШЫЛАР СПАРТАКИАДАСЫ ҚОРЫТЫНДЫЛАНДЫ

17:50, 12 сәуір 2019

Ақтөбеде, 8-10 сынып оқушыларының облыстық спартакиадасы аяқталды. Бұл «SportFEST Kazakhstan» республикалық жобасының іріктеу кезеңі болатын. Нәтижесінде, ақтөбеліктер мен бірқатар аудандардан келген ойыншылар топ жарды. Жекелеген спорт түрлері бойынша жеңімпаз атанғандар бар. 

Мектеп оқушыларының спартакиадасы биыл Ақтөбеде екінші рет өткізілді. Бұл жолғы жарыс 400-ден астам жасөспірімдердің басын қосты. Көбісі облыс аудандарынан. Спартакиаданың негізгі мақсаты да сол болатын. Спортқа құмар ауыл балаларына қолдау көрсетіп, олардың ауқымды шараларда өнер көрсетуіне көмектесу.

Жарыс үш күнге созылды. Осы аралықта қатысушы бозбалалар мен қыздар баскетбол, үстел теннисі, шахмат, тоғызқұмалақ, шағын футбол және әскери-қолданбалы спорт түрлерінен сынға түсті. Нәтижесінде, жалпыкомандалық есеп бойынша Ақтөбе қаласының құрамасы бірінші орынды иеленсе, шалқарлық ойыншылар екінші орын, ал Ойыл ауданынан келген команда үшінші орын алды.

 Айта кету керек, спартакиада «SportFEST Kazakhstan» жобасының республикалық ойындары аясында өтті. Жоба осыдан үш жыл бұрын «Samruk-Kazyna Trust» қорының қолдауымен бастау алған болатын. Негізінен жастар арасында бұқаралық спортты, салауатты өмір салты мен патриоттық тәрбиені насихаттауды көздейді. Бұл жолғы жарыста жеңіске жеткендер, республика деңгейінде өтетін спартакиадаға жолдама алды. 
Әнуарбек Мырзатайұлы, Ғалымжан Орынов. 

Тақырып бойынша материалдар

КИІКТЕР ХАЛЫҚАРАЛЫҚ ДЕҢГЕЙДЕ ҚОРҒАЛАДЫ
20:54, 17 шілде 2019
КИІКТЕР ХАЛЫҚАРАЛЫҚ ДЕҢГЕЙДЕ ҚОРҒАЛАДЫ
Толығырақ...
ОБЛЫСҚА 16 МЫҢ АСЫЛ ТҰҚЫМДЫ МАЛ ӘКЕЛІНЕДІ
20:53, 17 шілде 2019
ОБЛЫСҚА 16 МЫҢ АСЫЛ ТҰҚЫМДЫ МАЛ ӘКЕЛІНЕДІ
Толығырақ...

Танымал жаңалықтар