ШҰҒЫЛ! Ақтөбе облысы көш бастап тұр Толығырақ

Өндірісті өңірдің әлеуеті таныстырылды

20:35, 12 қазан 2017

Ақтөбе - өндірісті өңір. Жылдан-жылға өнеркәсіп көлемі қарқын алып, кәсіпорындар бой көтеріп, экономика еселенуде. Бастысы жаңа жұмыс орындары ашылып жатыр. Шеттен тартылған инвестиция да ұлғайып келеді. Жалпы, Ақтөбеде инвесторларға мүмкіндік зор. Бүгін форумға келген қатысушылардың бір бөлігі өндірісті өңірдегі зауыттар мен кәсіпорындарды көрді.

"Қазақстан мұнай өнімдері жабдықтары" зауытының құрылысы биыл ғана аяқталды. Мұнай-газ саласына қажетті жабдықтарды шығаратын кәсіпорын Қазақстан мен Қытайдың бірлескен жобасы. Жалпы тартылған инвестиция көлемі 16 млн долларды құрайды. 80 адам жұмыс істеп жатыр бүгінде. Осы жылдың маусым-қыркүйек айларында 2400 өнім шығарылған. Зауыт жұмысымен танысқан делегация мүшелеріне Ақтөбедегі сондай-ақ, "Назар Трэйлер" серіктестігі көрсетілді. Бұл - еліміздегі жүк көліктеріне тіркемелер, күрделі метал конструкцияларын шығаратын жалғыз кәсіпорын. Алдағы уақытта зауыттың екінші бөлігі іске қосылса, өндіріс көлемі артпақ. Импорт, экспорт мәселесі де жолға қойылған.

Өңірде шетелдік инвесторларға мол мүмкіндіктің жасалуы - "Ақтөбе" индустриалды аймағының бой көтеруінде. Жалпы аумағы 200 гектарды қамтып жатқан аумақта бүгінде құны 1,3 млрд теңге болатын 2 жоба іске қосылды. Соның бірі - "Talan Technology" кәсіпорны. Мұнда соққыға төзімді жабындылар өндіріледі. Инвестиция көлемі 1,1 млрд теңге. 35 жұмыс орны ашылыпты.

ВАСИЛИЙ ЛАГИЗЕВ, "TALAN TECHNOLOGY" ЖШС БАС ДИРЕКТОРЫ

- Шикізат көзі жеткілікті. Зауыттың кейбір желілерін жаңғыртудан өткізіп жатырмыз. Өнім жасауға жоспар бойынша жылына 7000 тонна көлік доңғалақтарын пайдаланылу көзделген. Толық қуатқа көшкенде шикізат жетпеуі де мүмкін

"Ақтөбе" индустриалды аймағында қазіргі уақытта жалпы сомасы 10,4 млрд теңге болатын 7 жобаның құрылысы жүріп жатыр. Дәлірек айтқанда, алдағы уақытта керамикалық тақтайшалар, полипропиленді пакеттер, қабырға блоктары, сырлар мен бояулар шығаратын зауыттар бой көтереді.

Гүлбағда Қайратқызы

Тақырып бойынша материалдар

Дәрігерлердің үстінен 101 шағым түскен
19:28, 23 қаңтар 2018
Дәрігерлердің үстінен 101 шағым түскен
Толығырақ...

Танымал жаңалықтар

Ақтөбеде автобустың не себепті өртенгені анықталды
00:19, 20 қаңтар 2018
Ақтөбеде автобустың не себепті өртенгені анықталды
Толығырақ...
Апатты оқиғаға байланысты арнайы хабар
01:16, 19 қаңтар 2018
Апатты оқиғаға байланысты арнайы хабар
Толығырақ...
Ақтөбеде автобус өртеніп, 52 адам мерт болды (ВИДЕО)
14:17, 18 қаңтар 2018
Ақтөбеде автобус өртеніп, 52 адам мерт болды (ВИДЕО)
Толығырақ...