ШҰҒЫЛ! 1 желтоқсан - ҚР-ның Тұңғыш Президенті күні Толығырақ

Өнерлі отбасымен сұхбат

15:45, 12 қыркүйек 2017

Ақтөбеде отбасы күніне арналған шаралар әлі жалғасып жатыр. С.Бәйішев атындағы кітапханада облысымыздың мәдениетін дамытуға үлес қосып жүрген өнерлі отбасы - Есмурзиндермен  кездесу өтті. Шараға студенттер мен оқушылар қатысты.

Бұл өнерлі де,  өнегелі Есмурзиндер отбасы.  4 баланы өсіріп отырған Нұржан мен Венера өмірде де өнерде де жұптары жазылмай келеді. Нұржан Қарғалы аудандық мәдениет үйін басқарады. Ал, Венера сол мекемеде қызмет етеді. Отағасы Нұржан өзінің мамандық таңдауда, жар таңдауда қателеспегенін айтады.

НҰРЖАН ЕСМУРЗИН, ҚАРҒАЛЫ АУДАНДЫҚ МӘДЕНИЕТ ҮЙІНІҢ ДИРЕКТОРЫ

- Өнер сахнасында жүргеннен кейін жарымды  сол өнерден болса екен деп тілейтінмін. кейін арманым орындалып, сол өнер саласындағы өзіме сай  Венераны кездестірдім. қазір бақыттымыз. Биыл отбасы құрғанымызға 18  жыл толады.

Нұржан мен Венера  Ақтөбе гуманитарлық колледжін тәмамдап, музыкалық білім алды. Кейін жоғарғы оқу орнына түсіп, бірнеше жыл бұрын халықтық "Есмурзиндер" отбасылық ансамблін құрды. Ансамбль құрамында ұл-қызы, бауырлары өнер көрсетеді. Есмурзиндер тек халықтық әндерді орындап қана қоймайды, поэзиялық өлеңдер оқып, түрлі  қойылымдардың  сценарилерін де жазады. Спортпен  шұғылданады. Өңірде мұндай өнерлі отбасылар қатары артып келеді. 

ГҮЛНАР СЕЙТАЛИНА, АҚТӨБЕ ОБЛЫСТЫҚ ХАЛЫҚТЫҚ ШЫҒАРМАШЫЛЫҒЫ ҮЙІНІҢ БАСПАСӨЗ ҚЫЗМЕТКЕРІ

- Облыс бойынша 125 халықтық  және үлгілі атақтары бар шығармашылық ұжым жұмыс істейді. Соның 15 -і халықтық атағы бар отбасы. Есмурзиндер сондай өнегелі отбасының бірі.

"Шаңырағым -шаттығым" аталатын кездесу  С.Бәйішев атындағы облыстық кітапханада өтті. Ұйымдастырушылардың айтуларынша, мұндай шара жалғасын табады. Олар алдағы уақытта  ауыл-ауылды аралап, шалғайда тұрып жатқан, өнегелі отбасыларды дәріптеуді көздейді.

АҚЕРКЕ ҚАЛДИЕВА, С.БАЙІШЕВ   АТЫНДАҒЫ ОБЛЫСТЫҚ ӘМБЕБАП ҒЫЛЫМИ  КІТАПХАНАНЫҢ БӨЛІМ МЕҢГЕРУШІСІ

- Мақсатымыз-жастарға өнерлі отбасын тәрбиелілігін, балаларын насихаттау. Олардың өмірімен шығармашылығн таныстыру.

Шара кезінде көрермендерге өнерлі отбасының өмірі жайлы фото-слайдтары, отбасылық жетістіктері көрсетілді. Ән айтылды.  Ұлттық аспапты жанына серік етуді көздеген кішкентай Нұрқадір домбырамен күй шертті.

Әлия Орзазай, Арман Досмағанбетов

 

Тақырып бойынша материалдар

Енді мопед пен велосипед мінгендер жол жиегінде еркін жүре алады
19:11, 21 қараша 2017
Енді мопед пен велосипед мінгендер жол жиегінде еркін жүре а...
Толығырақ...
Өңірде ажырасқандар саны азаймай отыр
18:39, 21 қараша 2017
Өңірде ажырасқандар саны азаймай отыр
Толығырақ...

Танымал жаңалықтар

Такси жүргізушілеріне қатысты шағым көп
17:08, 17 қараша 2017
Такси жүргізушілеріне қатысты шағым көп
Толығырақ...
Балабақшалардың жұмыс кестесі өзгереді
17:20, 16 қараша 2017
Балабақшалардың жұмыс кестесі өзгереді
Толығырақ...