ШҰҒЫЛ! Ақтөбе облысы көш бастап тұр Толығырақ

Жаңа сот ғимараты пайдалануға берілді

19:30, 12 қазан 2017

Мәртөк ауданында жаңа сот ғимараты пайдалануға берілді. Жаңа нысанның ашылу салтанатына облыс әкімі Бердібек Сапарбаев, облыстық сот төрағасы Мұратғали Әкетай, сонымен қатар құқық қорғау және арнайы органдардың бірінші орынбасарлары мен «Нұр Отан» партиясы филиалының басшылары, сот жүйесінің ардагерлері және үкіметтік емес ұйым өкілдері қатысты.

Облыс әкімі Бердібек Сапарбаев өз сөзінде Мемлекет басшысының «100 нақты қадам» атты Жолдауында сот жүйесі мен құқық қорғау органдарына жүктелген міндеттердің жүзеге асырылу барысы туралы атап өтіп, қатысушыларды жаңа сот ғимаратының ашылуымен құттықтап және барлығына сот төрелігін жүргізуде табысты жұмыс тіледі.

Іс-шараның ашылу салтанатында Мұратали Әкетай сот төрелігі жүйесін дамытуда Елбасының айрықша рөлін айта келіп, қатысушыларды Қазақстан Республикасы Жоғарғы Сотының Төрағасы Қайрат Мәмидің атынан жаңа соттың ашылуымен құттықтады.

Қатысушылардың сөздерінен кейін сот жүйесінің ардагерлері сот ғимаратының ашылу рәсімінің лентасын қиды. Судьялар мен мамандардың жұмыс жасауына, Сотқа шағымданатын азаматтар үшін де барлық жағдай жасалған. Жалпы көлемі 900 шаршы метр ғимаратта күту залы, мәжіліс залы, бейнебайланыспен кешенді жарақтандырылған 2 мәжіліс залы, медиация және психологиялық жеңілдету, прокурорлар мен адвокаттар кабинеттері, мұрағат орналасқан. Сот ғимараты  Интернет желісімен қамтамасыз етілген.   Бұдан басқа, азаматтар онлайн режимінде сот түскен құжаттарды іздеуге, іс бойынша барлық іс жүргізу әрекеттері туралы ақпаратты алуға, құжаттарды сканерлеуге және басып шығаруға мүмкіндіктері бар. Ғимараттың кіре берісінде электронды түрде қарауға болатын сот қызметі туралы қажетті электронды ақпараттар мен азаматтарды қабылдау кестесі орналастырылған.  Іс-шараның ашылу рәсіміне қатысқан сот саласының ардагерлері Жоғарғы Сотының Төрағасы Қайрат Мәмиге сот жүйесінің ардагерлеріне  үнемі назардан тыс қалдырмайтыны үшін алғыстарын білдірді. Салтанатты шараның соңында облыс әкімі Бердібек Сапарбаев пен облыстық соттың төрағасы Мұратғали Әкетай бастаған қатысушылар ғимараттың алдында жаңа көшеттерді отырғызды.

Гүлбағда Қайратқызы

Тақырып бойынша материалдар

Дәрігерлердің үстінен 101 шағым түскен
19:28, 23 қаңтар 2018
Дәрігерлердің үстінен 101 шағым түскен
Толығырақ...

Танымал жаңалықтар

Ақтөбеде автобустың не себепті өртенгені анықталды
00:19, 20 қаңтар 2018
Ақтөбеде автобустың не себепті өртенгені анықталды
Толығырақ...
Апатты оқиғаға байланысты арнайы хабар
01:16, 19 қаңтар 2018
Апатты оқиғаға байланысты арнайы хабар
Толығырақ...
Ақтөбеде автобус өртеніп, 52 адам мерт болды (ВИДЕО)
14:17, 18 қаңтар 2018
Ақтөбеде автобус өртеніп, 52 адам мерт болды (ВИДЕО)
Толығырақ...