ШҰҒЫЛ! БАЛАБАҚШАЛАР ЖҰМЫСЫ КЕЙІНГЕ ШЕГЕРІЛДІ Толығырақ

ЖЕРГІЛІКТІ ӨНІМ ЖЕТКІЛІКСІЗ

17:34, 20 тамыз 2019

Биыл өңірде жергілікті көкөніс өнімдері өте аз. Көтерме сауда орындарындағы тауарлардың басым бөлігі - Ресейден. Бүгін облыстық қоғамдық кеңес мүшелері көтерме және бөлшек сауда орындарындағы азық-түлік бағасына мониторинг жүргізді. Қаладағы  ірі сауда желілерін аралап, бірінші қажеттілік тауарларының құнына көз жүгіртті. Халық күнделікті тұтынатын көкөністер көршілес мемлекеттерден тасымалданып жатыр. Өңірдегі көтерме сауда орнында картоп Ресейдің Астрахань, сәбіз Волгоград, қырыққабат Самара облыстарынан әкелінеді. Ал пияз - Жамбыл облысінікі. Жергілікті өнім тұрғындар үшін қолжетімсіз.  Көкөніс пен жеміс-жидектің науқаны болса да олардың бағасы арзандамай тұр. Сауда желілері көтерме бағамен картопты 75, сәбіз бен қырыққабатты 100, пиязды 80 теңгеден сатып алуда. Тұтынушыларға олар 40, 50 теңге үстемақы қосады.  Халық азық-түлікті супермаркеттерден сатып алады. Осы себепті қоғамдық кеңес мүшелері  жабық сауда орындарына бас сұқты. Күнделікті тұтынатын тауарлар қатарындағы тағамдардың бағасын салыстырды. Қазір мұнда орташа бағамен нан 69, 1-ші сортты ұн 116, қант 196, күріш 297, жұмыртқа 253 теңге. Жергілікті сұйық май 370 теңгеден.   Сараптау тобы жергілікті нарықтағы баға саясатын одан әрі бақылауға ниетті. Бірнеше аудандарды да аралайды. Азық-түлік құнының мониторингін жүргізу жұмыстарымен қатар тұрғындар арасында сауалнама жүргізіледі. Бұл жұмыстар "Жергілікті өзін-өзі басқаруды дамыту" жобасы аясында өткізілуде. 

ГҮЛНАРА ЖОЛЖАНОВА

Тақырып бойынша материалдар

"ҮЗДІК МЕМЛЕКЕТТІК ҚЫЗМЕТШІ" БАЙҚАУЫ БАСТАЛДЫ
21:20, 22 мамыр 2020
"ҮЗДІК МЕМЛЕКЕТТІК ҚЫЗМЕТШІ" БАЙҚАУЫ БАСТАЛДЫ
Толығырақ...

Танымал жаңалықтар

БАЛАБАҚШАЛАР ЖҰМЫСЫ КЕЙІНГЕ ШЕГЕРІЛДІ
19:21, 18 мамыр 2020
БАЛАБАҚШАЛАР ЖҰМЫСЫ КЕЙІНГЕ ШЕГЕРІЛДІ
Толығырақ...