Ақтөбеде қыздар арасында баскетболдан спартакиада басталды

Шараға барлық аудандардан үміткерлер қатысып жатыр. 4 күн бойы 10 команда арасында ойын өтіп, үздіктері республикалық турнирге жолдама алады.

20:02, 10 қаңтар 2017   403

Әсем Мерғалиева Байғанин ауданынан келген команданың үздік ойыншыларының бірі.  Екі жылдан бері баскетболдан үйірмеге қатысып жүр. Өткен жылы облыстық спартакиадаға қатысты. Сол кезде жүлде ала алмаған соң, үздіксіз дайындалдым дейді. Бүгіннің өзінде ойын басталмай жатып,  екі рет ұпай салды.

ӘСЕМ МЕРҒАЛИЕВА, СПАРТАКИАДАҒА ҚАТЫСУШЫ

Спартакиадаға 7-11 класс аралығындағы қыздар қатысып жатыр. 10 команда ойыншылары сынға түседі. Өткен жылы  облыстан жеңімпаз болған  Ақтөбе қаласының  командасы  республикалық турнирде екінші орынды иеленіпті. "Биыл 1 орынды көздеп отырмыз. Қыздарымыз әлі де шыңдала түссін.Кемшіліктерді жою үшін бар жағдайды жасап жатырмыз" - дейді жаттықтырушы Самат Зинеденов.

САМАТ ЗИНЕДЕНОВ, ДЕНЕ ШЫНЫҚТЫРУ ПӘНІНІҢ МҰҒАЛІМІ

Спорттық шара 4 күнге жалғасады. Жеңімпаз команда мүшелеріне медальдар мен кубок  табысталады.

Әлия Оразай

«Қазақстан-Ақтөбе» телеарнасының ресми сайты

Ақтөбе қаласы, 030002, Т.Ахтанов көшесі, 54 үй Байланыс телефондары: 8 (7132) 22-11-44