Ақтөбеде қалалық "Нұр Отан" партиясы мүшелері арасында спартакиада өтті. 7 командаға топтасқан қатысушылар спорттың бірнеше түрінен өзара мықтыны анықтады. Жарыс екі күндік. Волейбол, баскетбол, армрестлингпен қатар нұротандықтар интеллектуалдық ойындар бойынша сынға түсті. Спартакиаданың екінші күні шахмат пен тоғызқұмалақтан жарыс болды. Облыстық балалар-жасөспірімдер спорт мектебінде өткен шараға барлығы 50-ге жуық адам қатысты. Жеңімпаздарға диплом, ақшалай сыйлық пен кубок табысталды.