Облысы әкімінің орынбасары болып Ермек Кенжеханұлы тағайындалды. Ол «Болашақ» бағдарламасы аясында Ұлыбританияның​ Рединг университетін «ауыл шаруашылығы саласындағы экономист», Кореяның Аджу университетін​ «экономика және бизнес магистрі» мамандығы бойынша​ тәмамдаған.​ Еңбек жолын "ҚазАгро" ұлттық басқарушы холдингінің" департамент менеджері болып​ бастаған. Әр түрлі жылдары Қарағанды облысы, Ақтоғай ауданы әкімінің аппарат басшысы, Ауыл шауашылығы министрлігінің басқармасы басшысы болды. Сонымен бірге Ақтөбе облыстық сыртқы байланыстар және туризм басқармасын,​ облыстық ақпараттандыру және сыртқы байланыстар басқармасын басқарды. Ермек Кенжеханұлы 2020 жылы Президенттік жастар кадрлық резервіне кірді. Жаңа қызметке тағайындалғанға дейін Мәртөк ауданының әкімі болды.